Действия с Документом
№ 1, январь
|
Прафсаюзы Літвы не збіраюцца мірыцца з крызісам
У Вільнюсе 16 студзеня прайшоў мітынг з нагоды новых эканамічных умоў. Выступоўцы і шараговыя ўдзельнікі шукалі, як блакаваць пагаршэнне жыцця. Мітынг адбыўся ў цэнтры сталіцы, насупраць будынку Сейму. Выступоўцы ўздымалі менавіта сацыяльна-эканамічныя пытанні, хоць і гучалі меркаванні аб магчымай адстаўцы ўраду. Чакаецца, што ў Літве наступствы крызісу найбольш істотна праявяцца ўлетку, таму мітынг быў своеасаблівым папярэджаннем кабінету міністраў: прафсаюзы "не спяць" і не збіраюцца мірыцца з пагаршэннем сітуацыі. Масавая акцыя рыхтавалася каля трох месяцаў, у ёй удзельнічылі некалькі тысяч чалавек. Пасля беспарадкаў у Рызе, якія адбыліся за некалькі дзён да таго, вільнюскія ўлады прадпрынялі пэўныя захады бяспекі: вакол плошчы дзяжурылі каля 30 паліцыянтаў. Непасрэдна на мітынгу парадак падтрымлівала прафсаюзная дружына. Падчас мерапрыемства праезд па цэнтру горада, у прыватнасці, па праспекту Гедыміна, быў абмежаваны. Як вядома, прэзідэнт Валдас Адамкус лічыць, што краіна ў стане самастойна справіцца з крызісам, і міжнародныя крэдыты не патрэбныя. Мясцовыя эксперты ў гэтай сувязі адзначаюць, што ў літоўскага ўраду "ў запасе" ляжыць структурная фінансавая дапамога, акая была атрымана пасля ўступлення ў Еўрапейскі Саюз і пакуль не выкарыстоўвалася. Тэльман Маслюкоў 17.01.2009 |