Действия с Документом
Энтузіясты пішуць, а міліцыянты "чытаюць"
Суд над магілёўскім актывістам Сяргеем Лапуціным адбудзецца ў гэту пятніцу.
Магілёўскі актывіст Сяргей Лапуцін атрымаў позву ў суд. Адначасова вырашыцца лёс наклада незарэгістраванай грамадска-палітычнай газеты "НАШ Магілёў", з якім Сяргей быў затрыманы 24 сакавіка.
Нагадаем, што хлопцу давялося правесці ў Ленінскім РАУСе некалькі гадзін, пасля чаго ён быў адпушчаны, асобнікі ж выдання канфіскавалі: усяго міліцыянты налічылі 3200 экзэмпляраў замест пазначаных 299.
Галоўны рэдактар Андрэй Воўкаў:
– Гэта быў спецвыпуск, прысвечаны Дню Волі. У газеце распавядалася пра тое, як атрымалі ў 1918 годзе незалежнасць нашы продкі, як прызнаў уладу БНР Магілёў, як святкавалася 25 сакавіка ў мінулыя гады, у часы атрымання Беларуссю незалежнасці. Нягледзячы на тое, – гаворыць Андрусь, – што гэта ўжо другі нумар з вададзеных шасці, які канфіскоўваюць супрацоўнікі міліцыі, мы не спынім сваёй выдавецкай дзейнасці і будзім радаваць чытача цікавымі фактамі гісторыі і падзеямі нашага горада.
Вітольд Няўрыда
28.03.2007