Belnarod.org – Сайт региональных новостей от гражданских и профсоюзных активистов, журналистов и просто небезразличных людей

Рэчыцкая афіцыйная газета заўчасна пачала публікаваць артыкулы пра кандыдата "ад улады". Калі назіральнік Ул.Кошчанка пацікавіўся ім, паабяцалі скласці пратакол.

Газета "Дняпровец" 16 і 23 жніўня апублікавала два артыкулы пра поспехі начальніка фінансавага аддзела Рэчыцкага райвыканкама Алы Ісачанкі. Пра альтэрнатыўных кандыдатур газета не пісала.

Назіральнік Уладзімір Кошчанка 18 жніўня запытаў у Рэчыцкай акруговай выбарчай камісіі, ад якога калектыву вылучана ў дэпутаты А.Ісачанка. Яму адказалі, што калі ён будзе задаваць такія пытанні, то камісія складзе пратакол аб парушэнні Кошчанкам статуса назіральніка. Хоць артыкул 13 Выбарчага кодэкса Рэспублікі Беларусь прадугледжвае: падрыхтоўка і правядзенне выбараў праходзяць "адкрыта і галосна".

Які сэнс быў хаваць інфармацыю – незразумела, бо 21 жніўня рэчыцкая газета "Тэлевід-інфо" паведаміла – А.Ісачанка вылучана ў дэпутаты калектывам Рэчыцкай раённай бальніцы. Тым часам і ў акруговай камісіі суседняй Хойніцкай выбарчай акругі 26 жніўня прынялі дакумент аб накіраванні ў гэтую камісію назіральнікам сябра АГП Алега Карбалевіча.

Арсень Даніловіч

28.08.2008

Аб’яднаныя дэмакратычныя сілы рэгіёна зрабілі раскладку праўладных кандыдатаў на выбарах у Палату прадстаўнікоў. На меркаванне апазіцыі, для іх дэпутацкія месцы падрыхтаваны  загадзя.

Далейшыя падзеі пакажуць, ці так гэта. Вось прозвішчы і пасады вылучэнцаў па розных выбарчых акругах.

Гомельская Юбілейная №31 – Аляксандр Чыкелеў, генеральны дырэктар "Гомельпрамбуда".

Гомельская Сяльмашаўская №32 – Аляксандр Бяляеў, старшыня Гомельскага гарвыканкама.

Гомельская Цэнтральная №33 – Аляксандр Шаўко, дэпутат Палаты прадстаўнікоў.

Гомельская Савецкая №34 – Ларыса Кузняцова, дэпутатка Палаты прадстаўнікоў.

Гомельская Прамысловая №35 – Таццяна Філімончык, кіраўніца Адміністрацыі Савецкага раёна Гомеля.

Гомельская Навабеліцкая № 36 – Юрый Беланожка, начальнік 1-га аддзялення міліцыі Чыгуначнага раёна.

Гомельская Навабеліцкая №36 – Аляксандр Шацько, дэпутат Палаты прадстаўнікоў па гэтай жа акрузе.

Гомельская сельская №37 – Уладзімір Маёраў, старшыня Гомельскага райвыканкама.

Буда-Кашалёўская №38 – Уладзімір Кужанаў, дэпутат Палаты прадстаўнікоў па гэтай жа акрузе.

Жыткавіцкая №39 – Міхаіл Русы, дэпутат Палаты прадстаўнікоў, былы міністр сельскай гаспадаркі.

Жлобінская №40 – Уладзімір Батан, начальнік цэха Беларускага металургічнага завода.

Калінкавіцкая №41 – Раіса Ціханская, дэпутатка Палаты прадстаўнікоў.

Мазырская №42 – Яўген Арцюшэнка, намеснік дырэктара па эканоміцы Мазырскага нафтаперапрацоўчага завода.

Палеская №43 – Сяргей Канопліч, старшыня Ельскага райвыканкама.

Рэчыцкая №44 – Ала Ісачанка, начальніца фінансавага аддзела райвыканкама.

Рагачоўская №45 – Уладзімір Міхасёў, начальнік упраўлення жыллёва-камунальнай гаспадаркі аблвыканкама.

Светлагорская №46 – Валянціна Кавалёва, дэпутатка Палаты прадстаўнікоў.

Хойніцкая №47 – Георгій Дашкевіч, галоўны дарадца старшыні аблвыканкама.

Арсень Даніловіч

21.08.2008

Дырэктар прыватнага прадпрыемства "Аліда і К" у Рэчыцы А.Шабетнік быў выкліканы ў падатковую інспекцыю. Там у прысутнасці чалавека ў цывільным учынілі допыт.  

Шабетніка распытвалі пра Валерыя Пуціцкага, які вылучаецца ў дэпутаты Палаты прадстаўнікоў.

В. Пуціцкі – старшыня Гомельскай абласной арганізацыі Партыі БНФ, вылучаецца ў дэпутаты Палаты прадстаўнікоў. Раней працаваў на чыгунцы, але з ім не працягнулі кантракт, і некалькі месяцаў ён быў беспрацоўны. Нядаўна ўладкаваўся ў прыватнае гандлёвае вытворчае ўнітарнае прадпрыемства "Аліда і К" намеснікам дырэктара па планаванню. У Рэчыцкай выбарчай акрузе сабраныя подпісы выбаршчыкаў за вылучэнне В. Пуціцкага кандыдатам у дэпутаты. Ён вылучаны ў дэпутаты і на з’ездзе Партыі БНФ 9 жніўня. А канкурэнт В. Пуціцкага "ад улады" – Ала Сачанка, начальнік фінансавага аддзелу Рэчыцкага раённага выканаўчага камітэта.

Дырэктару "Аліды і К" далі зразумець, што неўзабаве яго могуць чакаць пашыраныя праверкі. Падчас размовы чалавек у цывільным запытаўся, дзе працуе жонка Пуціцкага. Супрацоўніца падатковай інспекцыі адказала: "Пакуль у школе".

Алег Шабетнік – кіраўнік Гомельскай абласной арганізацыі Беларускай сацыял-дэмакратычнай партыі (Грамада). У Рэчыцкай выбарчай акрузе ён уваходзіць ва ўчастковую камісію Чкалаўскага выбарчага ўчастку № 6.

Арсень Даніловіч

20.08.2008

Віктар Васькевіч лічыць, што факты парушэння заканадаўства з боку каманды праўладнага вылучэнца кандыдатам у дэпутаты "немагчыма праверыць".

З заявай да В.Васькевіча звярнуўся Леанід Судаленка, сябра Аб’яднанай грамадзянскай партыі, які вылучаецца ў дэпутаты ў Хойніцкай выбарчай акрузе. Пры зборы подпісаў многія выбаршчыкі распавялі, што тыя, хто прыходзілі да іх раней, казалі: падпісацца за іншых кандыдатаў яны, мкаўляў, ужо не маюць права. На меркаванне Л.Судаленкі, такімі метадамі ў Хойніцкай акрузе збіраюць подпісы за вылучэнне ў дэпутаты Георгія Дашкевіча, саветніка старшыні Гомельскага абласнога выканаўчага камітэта.

Старшыня акруговай выбарчай камісіі В.Васькевіч – начальнік упраўлення па працы і занятасці насельніцтва Хойніцкага раённага выканаўчага камітэта. У сваім адказе ён напісаў: "Факты, якія прыведзеныя ў заяве, практычна нельга праверыць. У заяве не пададзеныя працоўныя калектывы, у якіх, на Вашае меркаванне, з парушэннямі ажыццяўляўся збор подпісаў. Не названыя таксама прозвішчы грамадзян, у гутарках з якімі можна было б праверыць названыя парушэнні".

Чаму Л.Судаленка не прывёў у заяве прозвішчаў выбаршчыкаў, якія паведамілі пра факты парушэнняў? Вось што ён кажа на гэты конт:

– За афіцыйных вылучэнцаў улада збірае подпісы ў людзей на працы, і не хоча гэта прызнаць, а людзі баяцца падпісвацца ў актах пра гэтыя выпадкі.

Тым не менш, за Л.Судаленку ўжо падпісаліся больш за 1200 выбаршчыкаў.

Арсень Даніловіч

18.08.2008

Галоўная прычына – тамтэйшыя вельмі незадаволеныя вынікамі іхнай дзейнасці. Таму шанцы з’явіліся ў прадстаўнікоў апазыцыі.

У Рэчыцкай акрузе вылучаюць трох кандыдатаў. Па словах аднаго з іх – Валерыя Пуціцкага – яго  ініцыятыўная група ўжо сабрала каля 1000 подпісаў, прычым не толькі шляхам абыходу жыхароў

– Вядзецца збор подпісаў і на гарадскім рынку, – кажа В. Пуціцкі.

Ён вылучаны кандыдатам у дэпутаты і на з’ездзе Партыі БНФ. Іншыя вылучэнцы – былы прадпрымальнік Леанід Невар, пенсіянер, і Ала Сачанка "ад улады" (начальнік фінансавага аддзелу выканаўчага камітэту Рэчыцкага раёна). Дадзеная акруга ўключае ў сябе асноўную частку Рэчыцкага раёна.

За Леаніда Судаленку з Аб’яднанай грамадзянскай партыі неабходная колькасць подпісаў ужо сабраная. Ён вылучаецца ў дэпутаты ў суседняй Хойніцкай акрузе, якая ахоплівае Брагінскі, Лоеўскі, Хойніцкі і частку Рэчыцкага раёна.

– 1200 подпісаў сабраны ў выніку абыходу жыхароў, – кажа Л.Судаленка. – У Хойніках мая ініцыятыўная група збірала подпісы і на вуліцах, прычым прыязджаў і дапамагаў нам Аляксандр Мілінкевіч.

Дзейныя дэпутаты ад гэтых акругаў – Мікалай Куцко, намеснiк старшынi Пастаяннай камiсii Палаты прадстаўнiкоў па аграрных пытаннях, і Віталь Кулік, старшыня Пастаяннай камiсii Палаты прадстаўнiкоў па праблемах чарнобыльскай катастрофы, экалогii i прыродакарыстанню. Абодва яны не ідуць на новыя выбары.

– У размовах з мясцовымі жыхарамі становіцца зразумелым: людзі настолькі не задаволены дэпутатам Куліком ад Хойніцкай акругі, што ўлады, відавочна, не наважыліся выстаўляць яго на новыя выбары, – гаворыць Андрэй Толчын, сябра Аб’яднанай грамадзянскай партыі з Гомеля.

Арсень Даніловіч

15.08.2008

Каментар

Вядомы гомельскі праваабаронца ў сваёй заяве на імя старшыні Хойніцкай акруговай выбарчай камісіі ўказаў на тое, што прадстаўнікі "афіцыйных" вылучэнцаў падманваюць грамадзян.

Сябра Аб'яднанай грамадзянскай партыі Л.Судаленка вылучаецца кандыдатам у дэпутаты ў Хойніцкай выбарчай акрузе.

– Практычна кожны трэці з тысячы выбаршчыкаў, якія падпісаліся ў маю падтрымку, заявілі, што яны ўжо падпісаліся за вылучэнне іншых кандыдатаў у дэпутаты ў акрузе, прычым падпісваліся проста на працоўных месцах у працоўны час. Пры гэтым невядомыя мне грамадзяне, якія збіралі подпісы, уводзяць выбаршчыкаў акругі ў зман, гаворачы, што падпісацца ў падтрымку іншых кандыдатур выбаршчыкі ўжо не маюць права, – засведчана ў заяве Л.Судаленкі на імя старшыні Хойніцкай акруговай выбарчай камісіі.

"Афіцыйныя" кандыдатуры, за якіх збіраюць подпісы ў Хойніцкай акрузе – Георгі Дашкевіч і Алег Казлоў. На меркаванне тутэйшых прадстаўнікоў дэмакратычных сіл, майстар хойніцкага вузла сувязі А. Казлоў – "штучны" вылучэнец: ён патрэбны ўладам, каб стварыць бачнасць "спаборніцтва" і не рэгістраваць кандыдатаў, якія б сапраўды сталі канкурэнтамі для Г. Дашкевіча – саветніка старшыні Гомельскага абласнога выканаўчага камітэта.

А старшынём Хойніцкай акруговай камісіі, якому накіравана заява, з’яўляецца таксама прадстаўнік улады – Віктар Васькевіч, начальнік упраўлення па працы і занятасці насельніцтва Хойніцкага раённага выканаўчага камітэта.

Міхаіл Мікіціч

14.08.2008

Команда кандидата от Объединенных демократических сил Гомельщины Леонида Судаленко получила первое предупреждение.

Известному в регионе правозащитгнику 7 августа лично позвонил председатель Хойникского избирательного округа №47 Виктор Васькевич и объявил устное предупреждение.

С его слов, даже в почтовый ящик председателя избиркома попала вот такая листовка:

"28 сентября – выборы депутатов Палаты представителей Национального собрания Республики Беларусь!

Уважаемые горожане!

9 августа 2008 года в 11.00 часов в г. Хойники на территории рынка будет осуществляться сбор подписей избирателей в поддержку  кандидата от Объединенных демократических сил Леонида Судаленко. В сборе подписей примет участие Александр Милинкевич – экс-кандидат в Президенты, лауреат премии имени академика Сахарова.     

Призываем Вас своей подписью поддержать достойную кандидатуру!

Инициативная группа №1 по сбору подписей (контактный телефон 654-70-11)

Тираж 1500 шт. Отпечатано на принтере".

Председатель комиссии информационную листовку посчитал агитацией и вынес демократическому кандидату официальное предупреждение, правда, пока только по телефону.

Сам кандидат придерживается иного мнения:

– Действительно, я на собственном принтере изготовил и распространил  эту листовку, – говорит Леонид Судаленко. – Однако нарушений здесь нет. Избирательное законодательство никаким образом не регламентирует работу инициативных групп, а сама их деятельность по сбору подписей уже является агитацией. Мои ребята побывали практически в каждой квартире, призывали подписаться, – продолжает Судаленко. – И если следовать логике председателя комиссии, уже за одно это меня нужно снимать с выборов… Сегодня и завтра собираем подписи на стационарных точках: напротив райисполкома и на рынке в Хойниках, в субботу ожидаю приезд Александра Милинкевича, который также будет осуществлять сбор подписей в мою поддержку, – подытожил политик.

Напомним, что ранее секретарь Центризбиркома Беларуси Николай Лозовик заявил: "Претендентам на депутатский пост предоставляется возможность встречаться с избирателями еще до официального начала агитационной кампании. Собирая подписи, члены инициативной группы в определенной мере уже агитируют за своего выдвиженца. Это дополнительная возможность популяризировать данную личность среди избирателей", – сказал Николай Лозовик.

Леонтий Семенов

08.08.2008